ОВАРИЈАЛЕН ВОЛУМЕН

Волуменот на јајниците (овариумите) е огледало за бројот на јајце клетки во јајникот. Поголем овариум има повеќе јајце клетки од помал овариум. Познато е дека со годините бројот на јајце клетки спонтано се намалува поради нивна дегенерација. Следствено се намалува и плодноста кај жените.

Ние не можеме дидректно да го измериме бројот на јајце клетки во јајникот, но може лесно да го измериме волумент на јајникот и со тоа индиректно да дознаме за бројот на преостанати јајце клетки. Тоа се прави со трансвагинален ултразвук кога лесно можат да се измерат основните димензии на јајникот (должина, ширина и длабочина).

По одредување на волуменот, ја пресметуваме “репродуктивната возраст“ на жената. Таа може да одговара на возраста или пак да биде поголема или помала од нејзината стварна возраст.

На пример, 35-годишна жена со многу мали јајници може репродуктивно да биде на 40 години. Обратно, 40-годишна жена со многу големи јајници, може репродуктивно да биде на возраст од 35 години.

На графиконот горе секоја линија претставува жени од различна возрасна група.  А=25 години, Б=30 години, C=35 години, Д=40 години, Е=45 години

Ако жена има 35 години таа припаѓа на групата В и се очекува волуменот на нејзините јајници да биде најмалку од 6 mL, но ако тој е помал, на пример 5 мл, тогаш таа репродуктивно одговара за 40 годишна жена. Обратно ако волуменот на нејзините јајниците е поголем (8 мл), тогаш нејзината „репродуктивна возраст“ би била како кај жена на 30 години.

Медицинските студии укажуваат дека волуменот на јајниците е поврзан со:

• добро или лошо реагирање на ампуларна терапија при оваријална стимулација (жени со мали јајници  послабо реагираат од жени со поголеми јајници).
• бројот на успешни бремености при ИВФ (жени со помали јајници имаат помалку успешни бременсти од жени со поголеми јајници)
• времето до менопауза (жени со помали јајници имаат пократко време до менопауза од жени со поголеми јајници)